Discorso al mercato:
due vecchie signore del popolo, Pina e Jole
Mi scuso per il linguaggio dialettale, ma rende al suono dell’orecchio in questo modo. (E.Pontini)
Nona Pina Jole.. te ga votà domenica?
Nona Jole Ma cossa mai! No go tempo per quele monade!
Nona Pina Ben.. e alora? Te se fazi comandar avanti?!
Nona Jole Senti bela mia: qua nissun me comanda a mi!
No i sa con chi i ga a che far!!
Ha! Tuta sta marmaia de zente!! I magna e basta!
E i vol anca el mio voto!!
Nona Pina Te sa.. mi go votà pel PIN, un partito novo!
Nona Jole Per chi?
Nona Pina Pel PIN! PIN! .. te son sorda?!
Nona Jole Pin.. cossa xe ‘sta roba? Se magna?? O se bevi?
Hahaha..
Nona Pina Gnorante!! Xe un putel zovine che ga ssai bone
idee.. ma, coss’te vol, xe un bon de cuor.. e quei
de cuor in sto tempo no i gà vita facile!!
Nona Jole Mi no me interessa dei altri. Mi penso a mi. E me
ne frego dela politica.
Pin.. pon.. pan.. tuti uguali i xe! Ladri. E a noi i ne
manda l’Equitalia che de “equo” ga ‘ssai poco!
E dovemo pagar..
Nona Pina Senti.. i dixi che noi veci no capimo gnente e no
stemo a passo coi tempi.
E i gavarà forsi ragion! Ma per cambiar le robe
saria proprio de girarse come i calzini.
Se no no se fa gnente!
Nona Jole Coss’te vol far ti? Piegar calzini?
Nona Pina Girar..girar.. ma no te senti?!
Nona Jole Senti bela: no xe per caso che quel zovine te ga
dà ala testa a ti?
Nona Pina Ma coss’te dixi..
Nona Jole Te me parli de calzini.. e de politica.
Nona Pina Lui parla de cambiar la Costituzion.. pensa..
Nona Jole Cosa? La Costituzion? Ha ha..
Nona Pina Si.. el dixi che no la scrivi robe vere..
Nona Jole E cossa importa? Tuti conta bale adeso.. quindi..
xe tuto in regola!
Nona Pina Ma no.. ma no.. se no se cambia la Costituzion,
no cambia le regole.
Te pensi che el rivi a far?
Nona Jole Mah.. no savessi…
Ma senti bela mia! Ma varda con cossa te me vien
fora ogi! Mi go le mie robe de far, i leti e la spesa,
me speta Pepi a casa per magnar e stago a scoltarte
ti che te me parli de… de gnanca no go capì cossa!!!
Te saluto Pina.
Nona Pina Jole! ..scoltime un atimo.. Se tuti fa come ti,
nissun scolta, e el mulo resta solo e anca se el ga
bone idee, da solo el fa ben poco!!
Nona Jole E ti te vol darghe una man!!
Nona Pina Beh.. si..
Nona Jole E, scusa.. mi cossa centro?
Nona Pina Te me dà una man anca ti!
Nona Jole Eco, brava. Cussì semo in tre: mi, ti e el muleto Pin.
E metemo a posto l’Italia.
Ma certo! Sicuro! Ma va là Pina!!
……..secondo mi te xe ‘ndà fora una rodela del zervel!
Nona Pina Jole! No semo in tre, no dir monade!
Xe tanta gente che vol cambiar le robe e sicuramente
i riverà!
Volevo solo farte capir che te pensi sempre solo ale
tue robe.. e ala tua casa. E no te pensi mai che te
podesi anche far qualcosa per migliorar la vita de tuti!
Te se lamenti e no te fa mai niente de diverso,
se non la stesa strada, la spesa nel steso negozio,
e te parli sempre con la stesa gente.
E po’ te parli mal del governo.
Nona Jole Mi no so niente de ste robe. Son ‘gnorante.
Nona Pina Te vol restar ignorante. Verzi i oci.. e migliora prima ti.
E dopo te vedarà che anche el mondo sarà meio..
Vecia baùca!!
Nona Jole ….
Pina.. perché litighemo?
No litigheremo miga per un muleto?!
Nona Pina Ma che muleto d’egito!!
Qua xe la nostra Italia.. Jole .. de mezo!!
Qua xe la nostra Italia.. Jole .. de mezo!!
La nostra bela Italia che la va a remengo da ani..
e semo noi l’Italia, no chi la guida adeso..
Chi xe al governo la ga’ rapida.. e noi no femo gniente
per liberarla..
Prova a pensar: i te rapissi tu’ mare. Coss’te fa?
Te va alla polizia.. dai carabinieri..
Nona Jole Ha!! No fazo comenti su questo argomento!
Nona Pina Eco.. brava.. adeso te me scolti!
Qualchidun ga sequestrà l’Italia.
E noi savemo chi.
Gavemo permeso che vegni questo.
E stemo ancora zogandose con chi ne conta bale,
nascondendose drio ad una cravata e a qualche titolo..
Nisun fa gnente. E neanche mi.. e neanche ti.
Nona Jole Va ben. Dai su. Dime.
Te ga ragion. Ma cossa podemo far?
Nona Pina No so.
Forse parlar dele idee del PIN.
Nona Jole Mi son venderigola, bela mia. A chi ghe parlo?
Ai fasoi?
Nona Pina Senti Jole.. adeso su due pie no’ savessi!
Comunque.. rispondime: se te podesi aver la posibilità
de votar de novo.. te andassi?
Nona Jole Mah.. forsi anca si..
Nona Pina E te voteria pel PIN?
Nona Jole Varda.. no gò ancora capì cossa che i proponi sti PIN,
ma visto el tuo entusiasmo, e ala tua età, me vien
voia proprio de scoltarli ‘sti putei coss’che i dixi.
Nona Pina Grazie Jole.. te son sempre la mia cocola..
Nona Jole In campana bela mia! No cominceremo subito
con i favoritismi?
Hahaha.. solo per un voto??
Nona Pina Hahaha.. Jole.. no xe quel..
Xe che prima iero sola..
Adeso semo zà in due.